JOUNG TEPA NATAL SMTPI CALVARI PETRA HADIAH YANG KEKAL

DRAMA NATAL

JUDUL : HADIAH YANG KEKAL

Babak 1

(Dipanggung ada beberapa orang anak yang sedang duduk dengan wajah cemberut dan tidak bersemangat)

Narator  : kehidupan manusia sekarang ini selalu mengingikan sesuatu hal yang baru. Apalagi bagi anak-anak kecil, apa yang diingan mereka harus selalu di penuhi. keingnan dari anak-anak ini sering membuat orang tua mereka harus susah payah untuk mencari uang sehingga dapat memenuhi apa yang mereka inginkan. Mereka tidak pernah bersyukur dengan apa yang telah Tuhan berikan kepada mereka, mereka selalu meminta hadiah-hadiah yang mahal dan mudah habis di hari kelahiran Yesus,, saksikanlah kisah anak-anak ini dalam drama singkat yang berjudul “HADIAH YANG KEKAL”

Paul        :  (datang menghampiri)…syalom tamang-tamang…

Semua :  syalom juga paul (tidak bersemangat)

Paul        :  sebenarnya kamong ada kanapa la ? bilang syalom saja kaya orang ada lapar….Ini kan hari Natal…seharusnya katong samua gembira…

Oby    : beta ada sedih barang beta mama seng kasi beta hadiah coklat di Natal ni.  Kalo Silver Queen, sih beta su biasa. Bata sih mau coklat yang lezat dan yang paleng mahal…dan intinya coklat yang belum pernah beta makan..

Milan         : Beta jua ada kecewa ni… bulan kamareng beta pung bapa deng mama su janji mau pi biking natal di kampong cuman gara-gara beta bapa pung tugas kantor banya jadi akhirnya seng jadi…padahal beta paleng rindu bikin natal di kampung solnya beta dengar carita dari orang-orang yang datang dari kampong dong bilang kalo natal di kampong tu paleng rame…..

Valen      : beta jua ada sedih ni, solnya natal kali ini beta dapa baju baru Cuma  1 e... kalo natal tahun lalu tu dapa baju 5. Samua ni gara-gara beta pung bapa tua saki di kampong. Gara-gara ontua beta pung bapa deng mama musti kirim uang. Huhhh..! parah e..

Chika     : beta lae ada sedih..kamareng beta pung bapa beli novel  yang edisi terbaru sebagai hadih natal., Tapi…waktu pulang skolah beta pung ade su robek akang
hati pung saki jua,,,

Alfa     : tamang-tamang,..berarti katong samua pung nasib sama. Beta lae ada kecewa seng dapa beli spatu yang paleng bagus di MCM. Masakan beta harus pake sepatu Natal yang tahun lalu.Biking malu-malu aja e..ini samuagara-gara beta kaka pung uang semester yang 2 juta lebih tu…

Mitha : Ooooo… jadi Cuma gara-gara kamong samua seng dapa hadiah natal, kamong sedih..?

Esy : batul mitha,  Cuma gara-gara akang hadiah-hadiah dunia tu dong kecewa…ayo,, smangad tamang-tamang….

(Masuk si Sederhana sambil tersenyum gembira)

Prili      : syalom tamang-tamang…. (bingung karna muka teman-temannya murung)… dong ada kanapa lah ? dari dong pung muka, kaya ada banya pikiran k…

Adit  : io prili, se tolong urus dong dolo.. masa cuma gara-gara seng dapa hadiah dari dong pung orang tua dong kecewa tu…

Prili      : tamang-tamang, dengar la beta bilang, seng boleh sedih deng hadiah- hadiah yang mudah habis deng mudah rusak. Coba kamong pung hadiah sama beta, pasti kamong sanang tarus…

Mitha    : barang se pung hadiah apa la?

Prili      : beta pung hadia tu akang kekal, seng akang parnah habis, rusak atau hilang. Akang tetap ada slamanya, dan yang paleng penting sapa yang pung hadiah tudia pasti sanang tarus..

Tosi    : apa la ? kasi tau dolo se biking katong penasaran sa….

Prili     : Hmmmm…. (sambil tersenyum). Kamong mau tau aja atau mau tau banget… ha..ha… jang marah,, beta Cuma sangaja saja.. kalo kamong mau tau, tunggu beta bale barang beta su dapa panggel… (pergi)

Toni  : woe kamong mau bahagia sama deng akang prili tu seng ?

Semua Anak    : io jua katong mau, katong musti iko dia supaya katong tau, sebenarnya yang dia bilang hadia kekal tu apa?

Babak 2

Narrator : di persimpangan jalan ada Seorang nenek berjalan tertatih-tatih, lalu terjatuh dan barang-barang jualannya pun berserakan. Saat itu Prili sedang lewat dan ia merasa kasihan kepada si nenek tersebut lalau ia membantunya. Tanpa ia sadari, di belakangnya ada teman-temannya yang sedang mengikutinya secara diam-diam.

Nenek (Chelsi)        : ado e… beta pung kaki paleng saki …

Prili    : (Sedang lewat lalu cepat- cepat menolong si nenek, mengurut kaki nenek dan
membantunya berdiri serta mengumpulkan barang2 jualannya) e oma..mari beta bantu

Nenek (Chelsi)        : dangke nona… (membisikkan sesuatu ketelinga anak itu) "hatimu penuh KASIH.." Tuhan Yesus berkati… (sambil senyum)

Prili     : ia oma sam-sama…. ( sambil pergi dengan tersenyum)

(teman2nya menghampiri si nenek)

Milan         : oma…! tadi oma bilang apa par dia,,,

Nenek (Chelsi)        : Ooo… oma Cuma bilang, hatinya penuh dengan KASIH... barang  ade-ade ni sapa ?

(teman2nya diam dan bingung)

 Babak 3

Narrator :  di tengah perjalanan prili bertemu dengan Seorang pengamen yang sedang mengamen kemudian ia memberikan uang kepada pengamen itu…

Prili     : ade, ambel uang ni la pi bali roti par makan…he (bingung) la se seng iko natal ?

Mark    : dangke kaka..tapi beta seng rayakan natal , barang beta pung baju seng bae, baru akang su tarobe-tarobe.. kaka e, makang sa susah apalae bali baju baru…,

Prili     : Ooo..kalo bagitu nanti beta ambel beta pung kaka pung baju yang su sasa la se pake par pi rayakan natal… se mau to?

Mark    : dangke kaka… (membisikkan sesuatu ketelinga anak itu) Kakak sangat penuh KASIH…Tuhan berkati.

Prili     : ia sama-sama ade…

(prili pergi dengan wajah bahagia, teman-temanya yang mengikutinya menghampiri Mark)

Valen     : Ade.! kalo bole tau, tadi ade ada bilang apa par nona yang su pi tu….

Mark    : oh..beta bilang kalo Kaka itu sangat penuh KASIH, ehh, barang kaka dong ni sapa?

Tosi : katong ni batamang deng nona yang tadi…

Alfa    : (mengeluarkan baju bagus dari tas nya lalu memberinya kepada mark) ini ade, tadi katong dengar se bilang mau pi natal tapi seng ada baju. Seng usah malu, beta pung baju masi banya di rumah….

(membantu mark memakai bajunya, lalu mengajaknya untuk merayakan Natal mereka pergi keluar panggung dengan senyum gembira)

 

Babak 4

Narrator : Kehidupan manusia susah di tebak, anak-anak yang awalnya murung dan sedih karna tidak mendapat hadiah dari orang tua mereka bisa kembali meraskan sukacita di hati ketika mereka membantu teman mereka yang kesusahan..

Oby        : luar biasa!...ternyata pas katong bantu anak miskin itu, hati rasa paleng bahagia

Glen     : Io batul oby… beta jua rasa bagitu..kanapa bagitu la?

Prili     : (Tiba- tiba datang) Itu artinya, kamong su dapa hadiah yang kekal itu

Glen     : Hahhhhhh?? Batul k ?

Prili     : io tamang-tamang … Hadiah Kekal yang seng pernah habis deng rusak itu adalah KASIH. Karena Tuhan Allah su lebih dulu memberi KASIH itu par katong, maka katong harus memberi KASIH itu kepada sesama. Kalo katong slalu berbuat KASIH, maka katong pung hati slalu merasa bahagia. Katong akan slalu gembira deng tersenyum sepanjang hari. Lihat, kamong bantu pengamen tadi tu kamong rasa bahagia to ?

(mereka  saling melihat dan mereka tertawa bersama)

Adit      : Nahhhhh,… begitu dong baru anak Tuhan…. Hari kelahiran Yesus menjadi penuh sukacita karena hati katong samua penuhi oleh KASIH. Selamat Natal tamang-tamang samua

Semua anak    : SELAMAT NATAL!.... Bahagianya hidup dengan kasih